देशातील सर्वात मोठी सार्वजनिक बँक SBI आपल्या ग्राहकांना अनेक विशेष सुविधा पुरवते. जर तुम्ही स्टेट बँक ऑफ इंडियामध्ये जन धन खाते उघडले असेल, तर तुमच्यासाठी ही मोठी फायद्याची बातमी आहे.
बँक आपल्या जन धन खातेधारकांना 2 लाख रुपयांपर्यंतचे फायदे देत आहे. ही योजना आर्थिक दृष्ट्या दुर्बल घटकांना आर्थिक सेवा, बँकिंग बचत आणि ठेव खाती, क्रेडिट, विमा, पेन्शनमध्ये परवडणाऱ्या पद्धतीने प्रवेश सुनिश्चित करते.
एसबीआय रुपे जनधन कार्डची सुविधा बँकेकडून जन धन ग्राहकांना दिली जाते. या कार्डवर बँक ग्राहकांना 2 लाख रुपयांपर्यंतच्या अपघाती विमा संरक्षणाची सुविधा देत आहे. रुपे कार्डच्या मदतीने तुम्ही खात्यातून पैसे काढू शकता आणि खरेदीही करू शकता.
जन धन खात्याचे फायदे-
- ६ महिन्यांनी ओव्हरड्राफ्ट सुविधा
- 2 लाख रुपयांपर्यंतचे अपघाती विमा संरक्षण
- 30,000 रुपयांपर्यंतचे जीवन संरक्षण, जे पात्रता अटींच्या पूर्ततेच्या अधीन राहून लाभार्थीच्या मृत्यूनंतर उपलब्ध आहे.
- ठेवीवर व्याज मिळते.
- खात्यासोबत मोफत मोबाईल बँकिंग सुविधाही देण्यात आली आहे.
- जन धन खाते उघडणाऱ्याला रुपे डेबिट कार्ड दिले जाते ज्यामधून तो खात्यातून पैसे काढू शकतो किंवा खरेदी करू शकतो.
- जन धन खात्यातून विमा, पेन्शन उत्पादने खरेदी करणे सोपे आहे.
- जन धन खाते असल्यास पीएम किसान आणि श्रमयोगी मानधन सारख्या योजनांमध्ये पेन्शनसाठी खाते उघडले जाईल.
- देशभरात मनी ट्रान्सफरची सुविधा
- सरकारी योजनांच्या लाभाचे थेट पैसे खात्यात येतात.
असे खाते उघडा
तुम्हाला तुमचे नवीन जन धन खाते उघडायचे असेल, तर तुम्ही जवळच्या बँकेत जाऊन हे काम सहज करू शकता. यासाठी तुम्हाला बँकेत एक फॉर्म भरावा लागेल. त्यात नाव, मोबाईल क्रमांक, बँकेच्या शाखेचे नाव, अर्जदाराचा पत्ता, नामनिर्देशित व्यक्ती, व्यवसाय/रोजगार आणि वार्षिक उत्पन्न आणि अवलंबितांची संख्या, SSA कोड किंवा प्रभाग क्रमांक, गावाचा कोड किंवा शहर कोड इत्यादी द्याव्या लागतील.
अधिक माहितीसाठी हे पोस्ट वाचा :